Shillong, Iaiong 2 : U Symbud Myntri Rangbah ka Jylla ba khmih ia ka kam Pohiing (Police) Bah Prestone Tynsong ha ka sngi Ba-ar, ula ong ba ka Sorkar ka dang khot ia ka Hynniewtrep National Liberation Council (HNLC) ba kan wan phai biang sha ka jingiakren iasuk.
Haba iakren bad ki nongthoh khubor, u Bah Prestone ula ong “Ka jingkhot sngewbha ka dang ieng bad ka jingkhang ka dang plie, ka shong ha ki mynta (HNLC)”.
“Ngan ym kren eiei halor kane namar ngi dang khot ia ki ba kin wan biang sha ka jingiakren, phi la dep ban sdang bad lada long kaba lah, pyrkhat biang sa shisien ia ka rai ba phi la shim bad lada ki sngew ba em kam donkam shuh, nga ong biang ha phi ba ka lynti jong ka ain kan treikam” ula bynrap.
Halor ka jingjia pynbthei bomb IED ka HNLC dang shen, u Symbud Myntri Rangbah ula ong ba ka jingtohkit ia kane ka kam ka dang iaid shakhmat.
Peit lang ia kane
”.){kind=link}