Jakhom ka PDF ba nang iai phet noh ki Nongseng

Date:

Share post:

Shillong, Naitung 06: Ka seng People’s Democratic Front (PDF) kaba ialam da u Myntri Sorkar Bah Banteidor Lyngdoh, kala nang jakhom mynta da ka jingiai mih noh ki Nongseng ia kane ka party kaba la mih pyrthei ha u snem 2017-2018.

Sa arngut ki MLA barim kiba dei ki Nongseng jong kane ka Party kata u Bah Albinus Lyngdoh ba mihkhmat ia ka Umroi bad Bah Hadrian Lyngdoh ba mihkhmat na Mawkyrwat, hynne ka sngi balang kila iehnoh kam na ka PDF namar ki daw shimet.

Hadien kine ki arngut, u MDC barim ka Malki-Laitumkhrah Bah Neil Antonio War ruh ula pynbna ban iehnohkam kum u Dkhot ka United Democratic Party (UDP) ha ki khyndiat sngi ban wan.

Haba iakren bad ki nongthoh khubor, u MDC barim ka Umoi Bah Albinus ula ong ba ka jingiehnohkam jong u naka PDF ka dei namar ki daw shimet ym ba u iadon daw bad ka Party.

“Kum u Nongseng jong ka PDF uba la iakhun ha ka elekshon MLA bad MDC jong u snem 2018 bad 2019, nga sngew ba dei ban mih noh na ka party naba tang lai tylli ki party ki dei kiba don ka bor ban iakhun ha Umroi Constituency bad kine ki dei ka NPP, TMC bad ka INC” ula ong.

“Hynrei, ha ryngkat bad ki nongkyrshan jong nga ngi la rai ban nym mih iakhun satia ha ka elekshon MLA 2023 ban long ha Jylla” ula bynrap.

Haba kylli, u Bah Albinus ula ong ba kila don shibun ki jingialang bad ki nongkyrshan ban rai iano ban leit ai jingkyrshan ha ka elekshon ban wan. U MDC barim ka Mawkyrwat Bah Hadrian Lyngdoh ula ong “Nga la iehnohkam na ka PDF hynnin ka 5 tarik Jylliew. Ha kine ki khyndiat sngi ban wan, ngan sa shim rai sha kaei ka Party ba ngan leit pyniasoh ialade”.

Kat kum ka jingong jong u, ka kam sain pyrthei ha Mawkyrwat ruh ka long kaba pher bha bad na ka jingpeit, tang lai tylli ki party kiba iakhun ha kane ka Constitunecy bad kine ki dei ka HSPDP, ka UDP bad ka Congress.

“Kine ki lai tylli ki party ki long kum shipara. Baroh lai tylli kila jop mar lai sien ha ki elekshon ha Mawkyrwat” ula ong.

Haba pynpaw ba um don jingthmu satia ban iakhun ia ka elekshon MLA 2023, u Bah Hadrian ula ong ba kan long kaba jwat bha ban iakhun na ka PDF namar kane ka party kan nym lah satia ban ioh ia ki vote.

U MDC barim ka Malki-Laitumkhrah Bah Antonio War ula iathuh ba ka jingpang ba don ha ka met jong u,kala pynlong ia u ban jah na ka kam sain pyrthei la bun bun snem hynrei namar kiba bun ki ishu kiba mih mynta, ula shim ia ka rai ban mih biang sha ka lympung.

Haba kylli ia kine ki ishu, u Bah Antonio ula ong ba ka jingiasoi ia ka MoU da ki arngut ki Myntri Rangbah ka dei kaei kaei kaba shon ha u. “Ngi la iohi ba u Myntri Rangbah ka Jylla ula shim ia ka rai khlem ka jingmynjur lang jong ka KHADC haba iadei bad ka MoU”.

Share post:

spot_img

Popular

More like this
Related

Pynlong ka BSF ia ka Medical Camp ha South West Khasi Hills

Shillong, March 25: Ka 170 Bn ka BSF Meghalaya...

Pynhap pyrda ka UTSM ia ka Dorbar ki Vice Chancellor ban kyntiew ia ka pule dangle

Shillong, Lber 25: Ka National Conference jong ki Vice-Chancellors...

Niew u Conrad ia ka jingkob u Rahul Gandhi ia u PM kum ka kam bym sngew iahap

Halor ka jingshah mait kyrteng u Rahul kum u...

Mih paw biang ka jingpang Covid ha Assam hadien 4 bnai :Long husiar ka tnat ka koit ka khiah

Guwahati, Lber 25: Ka jylla Assam ka la sakhi...