spot_img

Kurup ki Pulit Ri-Bhoi ia u kwai supari ba wanrah na Myanmar

Date:

Share post:

Shillong, Naitung 06: Ki Pulit ka Ri-Bhoi District ki la ioh ban bat ia artylli ki bos Night Super ka Assam bad ioh kurup ia palat 90 byrni u kwah Burmese Supari ba thmu ban pyniaid iew ha Guwahati.

Kat kum ka khubor Pulit, kine ki bos ba don u nombor AS-01-DC-7860 bad AS-01-HC-9034 ki la mih na Jiribam bad Dharmanagar ha ryngkat une u kwai supari uba thmu ban pynpoi ha Guwahati.

Ki Pulit haba ioh jingtip ia kane, kila pynlong ia ka jingtalasi kali ha Byrnihat bad kila ioh ban bat ia kine ki kali ha ka step sngi ba-ar ha ka por 6 baje eiei.

Kat kum ka jingphla jong uwei u Nongniah bos u Rafikul Rehman, une u kwai supari u dei jong uwei u briew ba kyrteng u Hiren Ali, uba dei ruh u trai jong kine ki bos Night Super bad ba ju leh ia kane ka kam be-ain kata ban khaii tuh ia u kwai supari.

Ki Pulit ki pyntip ba kila ioh kem la bunsien ia ki bos jong u Hiren Ali kiba kit ia u kwai supari ha Ri-Bhoi bad ka jingthwet ban kem ia une u briew, kala iaid shakhmat.

Ki Pulit ki iathuh ba hadien bala pyndep lut ia ki jingdonkam baroh, ia une u kwai supari yn sa aiti noh sha ka Tnad Custom ba kan leh ia kaba donkam.

Share post:

spot_img
spot_img

Popular

More like this
Related

Congress appeals to Assam Governor to halt evictions of tribals and marginalised communities

Guwahati, July 5: The Assam Congress Legislature Party has...

Noh synniang snam ka KSU bad NEHUSU ha NEIAH

Shillong, Naitung 05: Ka Khasi Students' Union NEIAH Unit...

Pynbna u ADC ban khang iaid kali na surok Laitlyngkot- Langkyrdem

Shillong Naitung 05: U Additional Deputy Commissioner jong ka...

Angnud u Myntri ban pynmih ia ka thup jingrwai ba thoh bad rwai da ki briew ba duna dkhot met

Shillong, Naitung 04: U Myntri ka tnat Social Welfare...