Ïohrah ka St. Anthony HSS ïa ka Inter School jong ka HYC

Date:

Share post:

Shillong, Jylliew 27: Ka St. Anthony Higher Secondary School, Shillong ka iohrah ia ka namlahduh hadien ba ka la lah ban pynliem ia ka OM Roy HSS da 2-1 ha ka Final phutbol jong u Tirot Sing Syiem Mawlai Inter School Football Knock Out Tournament 2022 ba la pyniaid da ka HYC Mawlai Umjaiut unit ha madan heh mini Stadium, Mawlai Phudmuri hynne ka Lah sngi U Blei.

Ka HYC Umjaiur ka la pynlong ia kane ka lympung ialehkai phutbol ryngkat ka motto, Ong hooid ia ka Sports bad em ia u Drok ne Say Yes to Sports and No to Drugs.

Ha ka jingiakhun jong ka kyllastep ka la kut ha ka jingiakhaid, hynrei ynda la wanphai ha ka kyllamiet u Sambor Mangkara Sun, u la ioh pynkhih jar nyngkong ha ka 31 minit bad u Basuklang Bina ia ka kol kaba ar ha ka 45 minit. Shuwa ban wai artad ka OM Roy ka la ioh ia ka Penalty ba la thep da u Kolanstone Khongji ha ka 48 minit jong ka jingiakhun.

Ka St. Anthony HSS kum ka lahduh ka la iohrah ia ka song Pisa ba 20,000 tyngka ryngkat ka trophy bad ka OM Roy HSS kaba la wan baar ka la ioh ia ka song ba 10,000 tyngka bad ka trophy.

Ha kane ka sngi la la sam ruh ia ki khusnam shimet, ki ar ngut na ka St. Anthony HSS u Damebanker Lyngdoh u la ioh khur ia ka nam Best Player bad u Donkupar Ryntathiang kum u Best Goalkeeper, katba ia ka nam top scorer ka la leit sha u Kolanstone Khongji ka OM Roy.

Ia ka song pisa bad ka trophy sha ki nongjop la sam da u kongsan bah PT Sawkmie bad sha kaba wan baar da u Donboklang Kharlyngdoh, president ka HYC Mawlai Circle.

Hashuwa kane haba ai jingkren u bah Sawkmie u la dawa ba dei ban kem mardor ia kito ki briew kiba pynshlur ia ki khynnah bad samla ban dih drok.

U kyntu jur ia ki paidbah ba kin pyntip mardor sha ki bor shnong bad ki bor bahalor lada tip bad ithuh ia kum kine ki briew kiba pynbor ia ki khynnah bad samla ban dih drok, namar ka imlang sahlang ka la jot na kadaw jong u drok.

U la pynpaw ruh ia ka jingsngewbynniaw kaba jur bha ba bun ki khynnah kiba 13, 14 snem shaneng ki la ngop ha ka jingdih drok bad u banjur ia ki khynnah bad khun samla ba horkit hordang ba kim dei ban ktah ia u drok. La ioh ruh ia ka jingkren na u Donboklang ha kane ka sngi.

Hashuwa kane ka la don ruh ka jingialehkai paralok, ia kaba ka HYC Mawlai ka la jop ia ka HYC Umjaiur.

Share post:

spot_img

Popular

More like this
Related

Thalain ka SPC ia u President ka VPP ba kynthoh ia ka burom ka ijot ki Nongthoh khubor ka Jylla

Shillong, Lber 28 : Ka Shillong Press Club (SPC)...

Pynjari 144 CrPC u SDM ha Sohra Sub Division namar ka jingshah pyniap ki bar jylla ha Ichamati

Shillong, Lber 28: U Sub Divisional Magistrate ka Sohra...

Sohra admin promulgates section 144 CrPC following Ichamati twin murder case

SHILLONG, MAR 28: The Sub Divisional Magistra of Sohra...

Shillong Premier League | Pynliem ka Mawlai ia ka Langsning da 1 kol

Shillong, Lber 28: Ka Mawlai SC kaba la long...