Shillong, K’lyngkot 21 : Ka Khasi Students’ Union (KSU) Delhi Unit, kala ioh ban pynlait ia kawei ka thei samla ka Jylla na ka jingshah pyniaid kam awria bad shah thombor ha ka kynhun ki riew runar, kiba suba pyniaid kam awria, na ka iingsah jong ka na Delhi.
Ha ka kyrwoh ka President ka KSU Delhi Unit Marbiang Khongwir kal ong “Ngi la ioh pdiang ia ka phone call ba pan jingiarap na ka hynmen jong kane ka samla, kaba pyntip ba ka para jong ka, kala shah thombor bad shah ktah kti ha ka kynhun ki shynrang ha ka iingsah jong ka. Ngi la pyntip mar maria ka SPUNER bad ki Pulit ka Nagar Police Station, kiba la poi sha katei ka jaka bad ioh pynlait ia kane ka samla”.
Kat kum ka jingong ka Khongwir, ha ka jingtohkit, la pyntip ba kane ka samla kala wan sha Delhi ban wad kam hynrei kala shah pynbiej ha ki kam khaii met. Kine ki nongshah kynnoh, kiba pyniaid ia ka ktem awria, kila shoh ia ka haba ka kyntait ban trei ia ka kam.
“Ki briew kiba shoh ia ki ki dei kiba pyniaid ia ka ktem awria. Tang namar ba ka kyntait ban leh ia ka kam, kala shah shoh bad une u briew ula byrngem ruh ban pyniap ia ka” ong ka Khongwir.
Ia kane ka samla bad u runar la rah noh da ki Pulit ban pynlong ia ka jingtohkit. Ka KSU Delhi Unit kala iatreilang bad ki bor Pulit ban pynthikna ia ka jingioh wanphai suk kane ka samla shala ka jong ka Jylla hadien ba pyndep ia ki jingdonkam baroh kat kum ka ain.
Ka Khongwir kala kyntu ia ka Sorkar ba kan shim ia ki sienjam ba tyngeh pyrshah ia ka kam khaii briew bad kam iuhroit ia ka longrynieng khnang ban khanglad ia kum kine ki jingjia hadien habud.
Ka KSU Delhi Unit kala kyntu ruh ia ki paidah khamtam kito kiba wad kam, ba kin da husiar bha bad peit pyrman, bad ban pyntip ia kino kino ki kam ba ishankhmat sha ki bor Sorkar.
 Delhi Unit, kala ioh ban pynlait ia kawei ka thei samla ka Jylla na ka jingshah pyniaid kam awria bad shah thombor ha ka kynhun ki riew runar, kiba suba pyniaid kam awria, na ka iingsah jong ka na Delhi.){kind=link}