Shillong, K’lyngkot 21 : Ka Hynniewtrep Youth Council (HYC) kala kyntait ia kano kano ka jingdon bynta ha ka jingiap jong uwei u nongdih droks bala kyrni, da kaba ong ba ka seng kala shah kynnoh khlem dei ha kane ka jingjia namar ka jingpihuin ia ki kam ba trei ka seng.
Haba kren sha ki nongthoh khubor ha ka sngi Balang, u General Secretary ka HYC samla Isaac Basaiawmoit ula ong ba ula shah khot hajir ha ki Pulit ka Sadar Police Station haba iadei bad kane ka jingiap,hynrei kam shym la don kano kano ka jingkdew ia ka jingdon bynta ka seng ha ka ejahar.
“Ki don ki briew kiba kynshoit bad kynnoh ba ngi donkam, namar ki pihuin ia ki kam ba leh da ka HYC” ong u samla Isaac.
Ula bynrap ba ki Pulit kila kular ha u ba kam shym la don kano kano ka sakhi ka ban kdew sha ka jing don bynta ka HYC ha ka jingshoh ia une u nongdih droks, kaba lam sha ka jingiap jong u.
Une u nongdih droks ula shah shoh ha MUDA ha ka 23 tarik Naiwieng, 2025 bad ula khlad noh namar ki jingmynsaw ha Nazareth Hospital ha ka 4 tarik Nohprah, 2025.
U samla Isaac ula kynnoh ba ki don katto katne ki briew kiba pynshit ia ki bahaiing hasem, bad kynnoh khlem dei ia ka HYC.
“Ngin sa iakynduh ia ki bahaiing hasem kham hadien” ula ong haba bynrap ba ki Pulit ki dang tohkit mynta ia kane ka jingjia.
 kala kyntait ia kano kano ka jingdon bynta ha ka jingiap jong uwei u nongdih droks bala kyrni, da kaba ong ba ka seng kala shah kynnoh khlem dei ha kane ka jingjia namar ka jingpihuin ia ki kam ba trei ka seng.){kind=link}