Guwahati, Naiwieng 16 : Ki bor pulit ka Hailakandi ha Assam ha ka miet sngi Nyngkong bal a lah kila ioh ban pyllait noh ia ki hynniew tylli ki jait shrieh ba phylla kiba la jan duh jait bad kem noh ia arngut ki briew hadien ka jingbeh thong kaba jan 10 kilomitar.
Katkum ki khubor, ki pulit kila pynieng ia kawei ka kali hapoh ka jaka ap pahara ha ki bynta jong ka Ramnathpur outpost.Hadien ba kila pynlong ia ka jingtalasi kila lapdien ia ki hynriew tylli ki synduk bad hadien ba kila tohkit ia ki briew kiba don hapoh kane ka kali kine ki briew kila pyrshang ban phet krad.
Kumta ruh na ka liang ki pulit kila beh thong ia katei ka jaka bad lapdien ha ka jingjngai kaba la jan kot sha ka 10 kilomitar.Ia kane ka kali la pynthikna ba ka dei kaba la wan napoh Mizoram.
Na ka liang ki pulit kila ong ruh ba kine ki briew kiba la shah kem noh ki dei ki nongniah bad ba baroh kine ki mrad kiba don hapoh ki dei ki jait shrieh kiba la jan duhjait.Ia kine ki mrad ba phylla la kynnoh ba la khaii beain napoh Myanmar.Kane ka kali la ong ba ka don ia ka jingthmu ban leit sha Meghalaya.
Ia kine ki mrad la shimti noh da ki bor pulit bad la phah shapoh Guwahati Zoo katba ki bor pulit ki dang leh ia kaba donkam baroh.
