Guwahati, Risaw 23: Ha ka jingkhynra ka ba dang iai bteng ban tehlakam pyrshah ia ki kam bamsap ka tnat Directorate of Vigilance & Anti Corruption kala lapdien ia ki kam bamsap hapoh ka ophis DTO ha Dibrugarh ha kaba kala pynlong ruh ka jingkhynra hapoh ka iingsah jong u DTO ka Dibrugarh, u Sanjib Hazarika ha ka sngi Thohdieng ba la lah.
Ki tyllong khubor ki iathuh ba ka tnat Directorate of Vigilance and Anti Corruption kala ioh ban kurup kumba T. 7,03,800 kynthup ia T. 87000 ka pisa rim ba la pynduh napoh ka iingsah jong u DTO.
Ka Vigilance and Anti Corruption kala pynlong ka jingtohkit ia u Hazarika hapoh ka iingsah jong u hashwa ban ialam ia u shapoh ka SBI Bank ban tip bniah ia baroh ki kam pisa ki jong u.
Hadien la ialam biang ia u shapoh ka ophis DTO ha Dibrugarh na ka bynta ban bteng ia ka jingtohkit.
Ha ka sngi Balang ba la lah, ki dkhot na ka tnat Directorate of Vigilance an Anti-Corruption kila pynlong ka jingleit khynra hapoh ka iingsah jong ka junior assistant jong ka ophis DTO ka Ditimoni Gogoi kaba la lam sha ka jingioh kurup ia ka pisa kaba haduh T 9,30,500.
Hashwa kane, ha kajuh ka sngi ka Gogoi ka la shah kem noh ha ki dkhot jong ka tnat Vigilance and Anti-Corruption hadien ba uwei u briew jong ka ula shah kem noh markhmat ha la por ba u dang shim ia ka pisa bamsap kaba T 700 na uwei u briew ia kaba la kynnoh ba la phah da katei ka heh jong ka tnat DTO.
Ia une u briew uba la shim pisa na ka bynta jong ka ia uba la tip kyrteng kum u Pankaj Saikia la kem noh ha ryngkat bad katei ka head assistant.
Katei ka tnat ha ka sngi palei ba la lah kala pynlong ruh ka jingkhynra hapoh ka iingsah jong u Pankaj ha Tengakhat, Dibrugarh ha kaba kila ioh ban kurup shibun ki kot ki sla
