Imphal, Naiwieng 02 :Ki shipai ka Assam Rifles ha ka sngi Saitjain ba la lah kila ioh ban kurup ia u drok World is Yours (WY) tablets uba don ia ka jingkhia kaba 4.2 kilo bad u brown sugar uba don 150 gram kiba kot sha ka T.2.31 klur ha ki jaka iew beain jong ki ri ka pyrthei napoh ka shnong kaba don ha Chandel district ha khappud ka Myanmar, ong kane ka tant shipai ha ka sngi Nyngkong ba la lah.
Hadien ba la ioh ia ka jingtip kaba bniah ha kaba iadei bad ka jingdon jong ki nongkhaii drok hajan ka shnong Duthang, ki shipai ka Assam Rifles na ka tnat Modi Battalion kila pynlong ka jingkhynra bad ioh kem noh ia arngut ki briew ha ryngkat ka pla ba la thep ia kine ki drok.
Hadien ba kine ki briew kila iohi ia ki bor shipai kila phet krad noh sha ka jaka khlaw, bad ha ka jingleit khynra ki shipai kila ioh ban kurup noh ia kawei ka pla iong kaba don ia kine ki WT tablet bad ia u brown sugar na ki song plastik.
Hadien kane la aiti noh ia kine ki drok sha ki bor pulit ha Tengnoupal, ong kane ka tnat shipai.
