Shillong, Lber 31: U nongialam ka Liangpyrshah ka Khasi Hills Autonomous District Council (KHADC) Bah Titosstarwell Chyne, u la pan jingshai na ka Executive Committee ba ialam da ka Voice of the People Party (VPP) halor ka jingsospon ia u Secretary ka Executive Committee ka Council.
U bah Titos ula pan ia kane ka jingpynshai na u Chief Executive Member (CEM) Bah Winston Tony Lyngdoh ha ka jingiakynduh ha ka sngi Ba-ar.
“Ngi la pan jingshai ha kaba iadei bad ka jingshah sospon u Secretary ka KHADC” ong u Bah Titos.
U Bah Titos ula iathuh ba u CEM ula pyntip baka jingsospon ka dei namar ka jingiaid bakla ha ka rukom treikam hapoh ka ophis, khamtam eh ban iaid lait ia ka Executive Committee bad ia u Executive Member ha kaba mynjur ia ka PIL ban sa ujor ha Meghalaya High Court.
“U CEM u la pynshai ba ka don ka jingbakla ha ka rukom treikam ha ka ophis ha kaba iadei bad ka jingmynjur ia ka PIL, ki la shim ia kane ka jingbakla kum ka jingiaid lait kaba jur bad ki la sospon ia u secretary na ka bynta ar taiew” ong u Titos.
La khmih lynti ba u secretary un wanphai biang sha ka kam ha ka 2 tarik u Iaiong.
U Bah Titos u la ong ba ka Liang Pyrshah ka la pan jingshai ruh la kala don ne em ka jingtohkit pyrshah ia u Secretary. “Ka EC kala thung ia ka jingtohkit bad u ophisar jong ka District Council u khlieh ia ka jingtohkit,” ula ong.
Haba iadei bad ka jingiehnoh kam jong u Standing Counsel, u Bah Lyngdoh u la ong ba ka dei kaba la pynshong nongrim na ki kam shimet bad kam don jingiadei satia bad ka PIL lane ka jingshah Sospon u Secretary.
“Ka jingiehnoh kam jong u Standing Counsel ka dei halor ka nongrim shimet jong u bad kam don jingiadei eiei bad ka PIL ne kano kano ka jingbakla ne bad ka jingshah sospon jong u Secretary,” ula ong.
 Bah Titosstarwell Chyne, u la pan jingshai na ka Executive Committee ba ialam da ka Voice of the People Party (VPP) halor ka jingsospon ia u Secretary ka Executive Committee ka Council.){kind=link}