Shillong, Naitung 23: U Sohtrun uba thiang bad uba bang na Meghalaya mynta lah ban ioh hapoh Bengaluru lyngba ka Swiggy Instamart, ia kaba la tip kum u Sohtrun na Meghalaya.
Proud to see Meghalaya Pineapple now available on Swiggy Instamart in Bengaluru, prominently showcased as “Pineapple from Meghalaya”.
Supplied by Jirang Organic Farmer Producer Company, this air-freighted produce is creating a strong and sustainable market linkage, giving our… pic.twitter.com/gfzm7D0sty
— Conrad K Sangma (@SangmaConrad) July 23, 2026
Une u soh udei uba la shim beit beit na Jirang Organic Farmer Producer Company bad la sop bad song bha ban pynthikna ban pynneh pynsah ia ka jinglong jingman une u soh.
Kane ka rukom leh ban pynpoi beit beit sha ki nongthied kadei da ka jingthmu ba ki nongrep kin iohnong bha bad ban tei ruh ia nam ka jylla Meghalaya ha ki iew hapoh ka ri.
Kane ka sienjam kadei kaba iaid ryngkat bad ka jingtynruh ka Sorkar Jylla ban kiew ka roi bad ka ioh ka kot ki nongrep, hapoh ka jingialam u Myntri Rangbah ka Jylla u Conrad K. Sangma.
Ki heh ophisar kila ong, ba kane kan iarap ha kaban btin lynti ha kaban pyniasoh ia ki nongrep na nongkyndong bad ki nongthied kiba na sor bad ban pynlong ia u marrep na ka thain kum uba donnam hapoh ka ri.
Kane ka jingsdang ia ka Instamart kadei hadien jong ka jingseisoh ka 4th Meghalaya Pineapple Festival ha Dilli Haat, New Delhi, ha kaba 30 metric ton la lah ban die hapoh jong ka 3 sngi.
Ban pyniar shuh shuh, ka Sorkar Jylla kala iasoi ia ka MoU bad ka Flipkart bad NCDEX e Markets Ltd ban pyndie bad pyniaid iew ia une u soh uba la pynmih na ka jylla Meghalaya.
