spot_img

Ioh khusnam 2 ngut ki Nongri dohkha ka Jylla na ka CAU ka Tripura

Date:

Share post:

Shillong, Naitung 18: U Bah Jokin Kurkalang, (50 snem) naka shnong Mawkriah, Mawphlang, bad u Bah Khlainbor Pale, (57 snem) naka shnong Umkei, Umsning Ri Bhoi District, kila shah pynkup burom da ki syrnot, ki khusnam, bad ki khusnam pisa, halor ki jingnoh synniang ba radbah jong ki ha ka kam ri dohkha ha ka Jylla Meghalaya.

Iaki khusnam la sam haka sngi rakhe iaka National Fish Farmers bala pynlong daka Directorate of Coldwater Fisheries Research, Bhimtal, Uttarakhand bad ka College of Fisheries, CAU (I) ka Jylla Tripura.

Kane ka jingshah pynkupburom ki 2 ngut ki rangbah kadei ka jingsarong ia ka Jylla Meghalaya bad ia ka tnad Fisheries.

Ia u Jokin Kurkalang la pynkup burom ia ka khusnam “Progressive Fish Farmer Award” na ka Jylla Meghalaya ryngkat bad phra ngut kiwei pat ki nongrep kiba la kiew shaphrang jong ki jylla Himalaya ha ka Directorate of Coldwater Fisheries Research, Bhimtal, Uttarakhand.

U Bah Khlainbor Pale u la ioh ia ka khusnam “Best Fish Farmer” na Meghalaya ryngkat kiwei pat ki ki nongri dohkha jong ki Jylla ka thain shatei lammihngi ba la pynlong da ka College of Fisheries, CAU (I), Tripura, ryngkat ka jingiatreilang bad ka Seng Ri dohkha shatei lam mihngi jong ka NESFA, India.

U nongri dohkha uba aiti lut, u Pale u la pyni ia ki jingjop kiba phylla ha ka liang ka Aquaculture naduh u snem 2019 ba la kyrshan na ka Blue Revolution Scheme, bad la pyndap da ka jingbei tyngka shimet.

Lyngba ka jingpdiang jong u ïa ka rukom pynïaid ïa ki pung, u la lah ban ïoh ïa ka jingpynmih dohkha kaba 2,600 kg ha u snem 2022, 2,800 kg ha u snem 2023, bad 2,400 kg ha u snem 2024.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...