Shillong Kyllalyngkot 06: Ka ophis jongka Deputy Commissioner, East Khasi Hills District ryngkat bad ka Zila Sainik Welfare Office, ha ka sngi Thohdieng, kila pynlong ia ka ‘Coaching Class’ na ka bynta ki samla kiba kwah ban rung ha ka kam shipai.
Ia katei ka prokram kaba la pynlong ha Synod College, Shillong, la plie da ka Deputy Commissioner ka East Khasi Hills District ka Kong RM Kurbah kum ka Kongsan ha kaba la iadonlang u Group Commander ka NCC Meghalaya Group u Brig. V. Mahadik, u Director ka Sainik Welfare Board u Col (Retd) G.K Rai, u Principal ka Synod College u Dr M. Rani bad ki samla pule.
Ka jingthmu ban pynlong ia katei ka Coaching Class ne ka jingai jinghikai kyrpang ia ki samla pule ka long ban plie lad ia ki ba kin ioh ia ki jingtip bad ki jinghikai kiba bun ha ka jingpynkhreh ka jongki ban ioh rung ha ka kam Agniveer bad ha ka Armed Forces.
