Shillong Kyllalyngkot 06: U Chief Electoral Officer jong ka Election Department, Meghalaya, ula pyntip ba la dep ban pynmih ha ka 5 tarik u Kyllalyngkot ia ka Final Rolls jong ki nongthep vote ha kaba mynta ki nongthep vote ha Meghalaya ki long 22,17,100 ngut.
Katkum ka kyrwoh na u CEO ka jylla u Dr BDR Tiwari ula pyntip ha ka 5 tarik u Kyllalyngkot ia ka Final Rolls ha kaba iadei bad ka jingpynlong ia ka Special Summary Revision w.r.t.01.01.2024 na ka bynta baroh 60 tylli ki Constituency ha ka jylla Meghalaya.
Ula ong, ka jingdon baroh jong ki nongthep vote ha ka Final Rolls ka long 22,17,100 ngut, kumta kala don ka jingkiew ki nongthep vote da 30,949 ngut haba ianujor bad ka jingdon jong ki 21,86,151 ngut ki nongthep vote ha ka por ba pynmih ia ka Draft Rolls ha ka 27.10.2023.
