Shillong Kyllalyngkot 06: Ki Nongshong shnong ka 3 Mer Upper Shillong, hynne ka sngi Saitjaiñ kila lap ia ka met jong u samla Blessingson Fancon kaba la sdien phasi ha ka lynti iaid kjat ban leit sha Wah Umjasai.
Hadien ba une u samla ula jah rngai naduh ka 4 tarik u Kyllalyngkot 2024, ki nongshong shnong kila ia mih ban wad ia u samla Blessingson bad ha kane ka jingwad kila lap ia ka met ka jongu kaba la sdien phasi.
Ki Pulit kila iathuh ba la lap ia ka met jong u Blessingson Fancon kaba la sdien phasi bad haba kila pynlong ia ka jingtohkit ym shim la lap ia kino kino ki dak ki shin ba une u samla yn shah pynïap hynrei kadei kaba ula bthat jubor hi iala ka jong ka jingim.
