Shillong, Lber 03: Ka NorthEast United FC ka la wanphai biang sha ka jingjop da kaba pynliem ïa ka Chennaiyin FC da 3-0 kol haka jingïalehkai bala pynlong ha madan Jawaharlal Nehru ha Chennai haka lympung Indian Super League (ISL) 2024-2025.
Iaki goal la thep da u Nestor Albiach ha ka kyllastep bad hadien katto katne por la thep sa u Jithin MS bad u Alaaeddine Ajaraie ha ka kylla miet.
Ka Chennaiyin FC ruh ka la ioh lad ban thep haka kylla miet hynrei kam shym la lah ban shim kabu.
Da kane ka jingjop, ka North East United ka la kamai sha ka 35 point na ki 23 sien ki jingïalehkai bad rung syndon sha ka playoffs ha ka sien kaba nyngkong hadien ka samoi ïalehkai 2020-2021.
Ka NorthEast United FC ka la pyni ia ka jingïalehkai ba itynnad naduh ka minit kaba nyngkong jong ka jingïalehkai daka ba ialeh ban ioh pynkhih jar nyngkong.
Ka jingthrang ban thep Goal ka la pynlong ïa u Jithin MS ban pynbor ïa ka jingïada na u Mohammed Nawaz u nongap Goal ka Chennaiyin ha ka minit kaba san.
Hadien kumba ar minit, u Nestor u la ioh ban thep Goal bad kane ka sdang na u Ajaraie, uba la lap ia une u nong Spain bad u la pass iaka bol ha kaba u Nestor u la teh lakam ia ka bol shwa ban thep shapoh jong ka Goal.
Kiei kiei ki la pynjynjar ïa ka Marina Machans namar ba ki la pynphai biang ha ka minit kaba 26. Kane ka jingkhih ka la sdang naduh ba u Mohammed Ali Bemammer u la ïalehkai ïa ka ‘give-and-go’ bad u Jithin shwa ban pynslied ïa ka sha Ajaraie ha suiñbneng. U nongïalehkai Morocco ha kaba kut u la jied ïa ka jingïalehkai kaba stet jong u Jithin bad u rangïalehkai u la pyndep ïa ka jingïalehkai kaba itynnad da kaba pynkut bha.
Ka NorthEast United FC ka la pynjlan ïa ka jingjop jong ka ha ka minit kaba 38 lyngba u Jithin u bala sha u Ajaraie ha ka ba u la ioh ban thep daka ba suk.
Lyngba ka Goal u Ajaraie u nongïalehkai Morocco u la ioh ban thep ïa ka kol kaba 21 jong u ha kane ka jingïalehkai ISL.
Ka Chennaiyin FC ka la ialeh ban ialehkai shakhmat bad thaw ïa ki kabu khamtam ha ka kylla miet, hynrei ha kaba kut ka khlem la lah satia ban pynphai bad kane kadei ka sien kaba hynriew jong ka samoi ïalehkai jong ka North East ha kaba ka khlem shah thep Goal.
U Alaaddine Ajaraie sa shisien u la long u nongïalehkai ba kynsai tam na ka bynta ki nongwan peitkai namar ba u la thaw ar tylli ki kol katba u la thep ïa kawei.
 2024-2025.){kind=link}