Shillong, Lber 03 : U Myntri ka Tnad Pule Puthi Rakkam A Sangma ha ka sngi Nyngkong ula pyntip ba ka Sorkar ka dang ap iaka instalment balai ban pyllait ia ka scholarship jong ki palat 20000 ngut ki samla pule ha ka Jylla.
“Ngi dang ap ia ka Ministry ban pyllait ia ka instalment kaba lai. Ia ka instalment kala ar la dep ban pyllait bad ngi khmih lynti ban pyllait noh kloi ia ka instalment kaba bud” ong u Rakkam haba iakren bad ki nongthoh khubor.
“Ngi don palat 60,000 ngut ki samla pule ha kaba 40,000 kila dep ioh ia ka scholarship bad sa kumba 20,000 ngut ki dang ap ia ka installment kaba lai na ka Sorkar Pdeng” ula bynrap.
