Shillong, Jymmang 20 : U Symbud Myntri Rangbah ba khmih ia ki kam Pohiing (Police) Bah Prestone Tynsong ha ka sngi Ba-ar, ula ong ba ka Sorkar Jylla kan khang tala bad jynrat beit ia ki khyrdop lum khajna ba pynieng beain da ki Autonomous District (ADC) lada ki dei ki bym kyrshan da ka Ain.
Haba kren sha ki nongthoh khubor, u Bah Prestone ula ong “Kino kino ki khyrdop lum khajna ne khyrdop talasi ki dei kiba hap kyrshan da ka ain. Ki dei ban hap hapoh ki kyndon jong ka ain. Lada kim dei kat kum ka ain, ngim don lynti da kumwei pat hynrei ban jynrat ia ki bad ngi hap ban khang dam syndon ia ki”.
Hashuwa kane, ka Khasi Hills Autonomous District Council (KHADC) kala thalain tyngeh ia ki bor District ka Ri-Bhoi namar ka jingkhang dam ia ka khyrdop lum khajna ha Umdihar, Ri-Bhoi halor ka nongrim ba pynieng ia kane ka khyrdop khlem da ioh jingbit.
Ka KHADC kala khein ia kane ka jingleh ki bor District kumka kam ba ibein ia ki bor jong ka District Council.
Halor ka jingjia ba dang shen ha Star Cement ha Lumshnong, East Jaintia Hills, u Bah Prestone ula ong ba ka jinglong jingman mynta kala jai jai.
“U DC bad SP kila shimkhia ban khmih ia ka kam. Ngi la dep pynkhlain ia ki bor pahara hangtei. Nga kmen ban pyntip sha phi ba ym shym la don shuh kano kano ka jingjia ki bym sngewtynnad bad nga thikna ba hapoh kine ki khyndiat sngi ban wan, baroh kiei kiei kin sa jai jai biang kumba ju long” ula bynrap.
Haduh 15 tylli ki trok kila shah thang ha phyllaw ka Star Cement ha ka miet sngi U Blei hadien ba uwei u nongniah pickup, ula shah iuh ha kawei na ki trok jong ka kompani.
 Bah Prestone Tynsong ha ka sngi Ba-ar, ula ong ba ka Sorkar Jylla kan khang tala bad jynrat beit ia ki khyrdop lum khajna ba pynieng beain da ki Autonomous District (ADC) lada ki dei ki bym kyrshan da ka Ain.){kind=link}