spot_img

Ieng ryngkat ka MDA bad ka Mizoram FA | Khang ia ki rang ialehkai ba suba donkti match fixing

Date:

Share post:

Shillong, Naiwieng 06 : Haba shimkhia lang ia ka sienjam bala shim da ka Mizoram Football Association ban nym shah shuh ia 25 ngut ki rang ialehkai ba kin ialehkai phutbol ha Jylla, ka Meghalaya Football Association (MFA) ha ka sngi Balang, kala rai ba kan ieng ryngkat bad ka rai jong ka Mizoram FA ban nym shah satia ia kine ki juh ki nongialehkai ba kin ialehkai phutbol ha Meghalaya.

Ka Mizoram FA kala pynlong ia ka jingtohkit da ka jingkyrshan bad jingiatreilang jong ki bor ka Ain, kala lam sha ka jinglap ia ki kam bamsap ha ka dur jong ka jingiathong pisa ia ki nongialehkai ban pynkylla ia ka result jong ka jingialehkai (match fixing). Kane kala pynlong ia ka Association ban khein beain ia 25 ngut ki rang ialehkai, 3 ngut ki Official bad lai tylli ki club ba kin iashim bynta ha ki jingialehkai phutbol ka ban neh hapdeng shisnem haduh shirta ka jingim.

Ka Meghalaya FA, kaba sngewthuh shai ia ka jingma na ka match fixing (jingiathong pisa ia ki nongialehkai ban pynkylla ia ka result jong ka jingialehkai) ha ki jingialehkai, kala shim rai ha ka jingialang ba long hynne ka sngi Balang ban burom ia ka rai bala shim da ka Mizoram FA bad pynthikna ba kan nym ailad ia kine ki 25 ngut ki nongialehkai ba kin wan iashimbynta ha kino kino ki lympung ialehkai jong ki District Association bala pyniasoh bad ka MFA.

La iathuh ruh ha ki lad pathai khubor ba ki don katto katne na kine ki rang ialehkai bala shah khein beain, ki dei kiba la ju don jingiadei ne ialehkai teng ha ki snem bala let noh bad ki Club na Meghalaya.

Ka Meghalaya FA ka kyrmen ban phah ia ka khubor ba tyngeh sha ki rang ialehkai ba kim dei ban ngop ha kaban leh ia kum kine ki kam beain naba ka lah ban buh ha ka jingma ia ka kam ialehkai jong ki bad kumjuh ruh ia ka nam ka burom nalor ka jingpynthohbria ia kane ka jingialehkai kaba itynnad.

Share post:

spot_img
spot_img

Popular

More like this
Related

Hukum ka Iingkashari ia ka sorkar ban pynbteng shuwa ia ka hukum halor ka kam Aadhaar

Shillong, Nailar 31 : Ka Iingkashari Meghalaya High Court...

Kyrpad ka High Court ia ka SC ban ialad tian bishar hi ia ka PIL halor ki ksew iaid wir

Shillong, Nailar 31 : Ka Iingkashari Meghalaya High Court...

Kem ki Pulit Ri-Bhoi ia u Pulit Assam ba thmu leh beijot ia i Khynnah

Nongpoh, Nailar 30 : Ki Pulit ka Ri-Bhoi District,...

Assam | Pyntip u CM ba pynphai biang ia ki nong Bangladesh kat kum ka Immigrant Expulsion Act

Guwahati, Nailar 30: U Myntri Rangbah ka jylla Assam...