Shillong, Naiwieng 18 : Ka Sorkar Meghalaya, ha ka jingiatreilang bad ka United Nations World Food Programme (UN-WFP), kila wad ia ki lad ki lynti ban pynjanai ia ka Public Distribution System (PDS) bad ban pynthikna ba ki nongshong shnong ka Jylla kin ioh lut ia ki marbam ba ai da ka Sorkar Pdeng.
U Myntri ka Food & Civil Supply and Consumers Affair ka Jylla Bah Comingone Ymbon, ula pyniaid ia ka jingialang hynne ka sngi nyngkong lem bad ka Elisabeth Faure, Country Director ka UD-WFP.
Ki jingiakren ki la pynleit jingmut ha kaba weng ia ki jingeh kiba la don lypa hapoh ka PDS bad ban ithuh ia ki lad ki lynti ban wanrah ia ka jingshai bad ka jingkitkhlieh ha ka jingsam marbam. Ki nongiashim bynta ki la iamir jingmut kumno ban pyndonkam ia ki kor ki bor kiba thymmai bad ki rukom treikam kiba thymmai ban pynthikna ia ka jingpynpoi hok ia ki marbam ba kongsan sha ki nongioh jingmyntoi.
Ka mat ba kongsan jong ka jingialang ka long ka jingpynwandur ia ka lynti treikam ban iaid ryngkat bad ki jingthmu jong ka Meghalaya ban pynbiang marbam. Ha kane ka jingïalang la pyni ruh ïa ka jingïasam ïa ki rukom treikam kiba bha tam na kiwei pat ki jylla bad ki jingshemphang shaphang ki rukom treikam kiba jop ba la pyntreikam ha ka pyrthei da ka WFP.
Ka Sorkar Meghalaya bad ka UN-WFP ha u snem 2021 ki la ïatreilang ban pynpoi marbar sha palat ar million ngut ki briew da kaba pynkylla ïa ka rukom sam marbam. Ka jingiatreilang kan iarap ia ka WFP bad ka sorkar ba kin iatreilang sha ka thong ba ar ban nym don kiba shah thngan.
, kila wad ia ki lad ki lynti ban pynjanai ia ka Public Distribution System (PDS) bad ban pynthikna ba ki nongshong shnong ka Jylla kin ioh lut ia ki marbam ba ai da ka Sorkar Pdeng.){kind=link}