Shillong, Nailar 02 : U Myntri Rangbah ka Jylla Conrad K Sangma, ula ai khublei ia u nongshna phlim Dominic Megam Sangma hadien ba ka phlim Garo ba u shna-ka Rimdongittanga (Rapture), kala ioh ia ka Best Feature Film ha ka Garo, ha ka 71st National Film Award.
Haba niew ia kane ka jingioh jingithuh kum ka jingjop ia ka snap kyrpang ki Garo bad ka jingiathuh khana shaphang jong ki, u Myntri Rangbah ula thoh ha ka social media ban lehkmen lem halor kane ka jingjop kum u mawmer jong ka kolshor na ka bynta ka Jylla.
“Khublei shibun ia u Dominic Megam Sangma halor ka jingjop ia ka Best Feature Film ha ka Garo na ka bynta ka Rimdogittanga (Rapture) hapoh ka 71st National Film Award. U Dominic ula pynshongbiej ia ki da ka jingiathuh khana kaba khia thew bha, kala la shong tynrai na ka jingriewspah ka pateng riewlum bad ka rukom im jong ngi. Kane ka jingithuh ba dang shu ioh, ka dei ka sakhi ia ka sur bad jingiohi jngai kaba kham pher jong u.
Khublei shibun ia u bad ia ka kynhun jong u halor kane ka jingjop kaba dei hok ban ioh”.
Ka Rapture kaba la direct da u Dominic bad pynmih da ka Anna Films, ka dei ka jingiathuh khana lynga ki khmat jong u khynnah 10 snem uba mad ia ka jingeh na ka jingbym iohi ki khmat ha ka por mynmiet, kaba la pynwandur halor ka jingrit mynsiem jong ka Shnong na ka jingdon ki nongrahbor ia ki khhynah. Kane ka phlim ka dei kaba pynwandur na ki jingjngeit jong ki paid Garo.
Kane ka phlim kala ioh ia ka khusnam International bad ha ka National Award, kala ioh ia ka Rajat Kamal (silver lotus) bad ka song pisa ba T. 2 lak.
, kala ioh ia ka Best Feature Film ha ka Garo, ha ka 71st National Film Award.){kind=link}