Shillong, Nailar 02 : Ki Pulit ka Mawlai Police Station kila ioh kem ia u nongtuh, uba pduh da ka wrench ia uwei u nong pahara jong kawei ka iing ba dang shu shna ha Mawlai Umshing.
Une u nongtuh u kyrtengu Maxson Dkhar ba 29 snem ka rta, khun jong u (L) Bah Jopstar Rani.
Ka dei ha ka step 31 tarik Naitung, une u nongtuh ula leit rung ha kane ka iing ha Mawlai Umshing da ka jingthmu ban leit tuh hynrei u nongpahara ula mih ban kem bad poi sha ka jingiakhun.
Ha kane ka jingiakhun, une u runar ula ioh pduh da ka wrench ia une u nongpahara na ki bynta jong ka khlieh, haduh ba ula mynsaw bad shah suh haduh sawksai.
Ki Pulit ki suba jur ba une u nongtuh ula wan bad kiwei pat ki para nongtuh hynrei baroh kila iaphet mar syn mih ka jing iakhun.
Ki Pulit kila pynlong ia ka jingtohkit ban lapdien ia kine kiwei pat ki runar.
