Shillong, Iaiong 01: Katba ki nongbylla ki dang pynleit jingmut ha kaban tih khyndew ban tei ia ka iing ha Qualapatty ha ka janmiet jong ka sngi baar, kyndit kynsan kila lap ia uwei u kynjar nar bad kial suba jur ba udei u Shell ne u Shellbomb uba la rim bha bad kila pyntip noh mardor sha ki pulit ba kin leh ia kaba donkam.
Ki nongbylla kila lap ia une u Shell ha ka por janmiet katba ki dang pynleit jingmut ha ka jingtih khyndew ban pynkhreh ban shna ia ka iing bad kumba iuh tdong bseiñ kila kyndit ban lap ia u kynja nar uba khia ia kaba kila suba jur ba udei u bomb. Kumta mardor hi kila pyntip ia ki pulit jongka Lumdiengjri Police Station.
Ki pulit haba kila suba jur ba une u lah ban dei u Shell ne u Shellbomb kumta kila pyntip ia ka Bomb Squad bad haba kane ka kynhun kala wan poi ha kane ka jaka kala shim noh ia une u Shell.
Ki pulit kila pynlong ia ka jingtohkit ban pynthikna la une u kynja nar uba la lap na ka khyndew udei u Shellbomb uba don ia ki bakhor kiba khlain uba pyndonkam ha ki por thma.
