Shillong, Lber 21 : U President ka Meghalaya Pradesh Congress Committee (MPCC) bad MP ka Shillong Bah Vincent H Pala, ula ong ba ka nongrim treikam (ideology) jong ka Voice of the People Party (VPP) bad ka Bharatiya Janata Party (BJP) ki dei kiba long kumjuh.
U Bah Pala u ban aireng ha kane ka elekshon Lok Sabha ban long ha 19 tarik Iaiong, ula kynthoh ia kane halor ka jing kynnoh ba ka VPP kala kynnoh ia ki nongialam Niam/Balang ba ki sam kyiad ha ka por elekshon.
“Kaei ka nongrim treikam ka BJP? Ka nongrim treikam ka BJP ka long ban kynnoh ia kiwei bad tang ka BJP kaba hok. Kan kynnoh (attack) ia ki seng sain pyrthei, kan kynnoh ia ki Balang, ki Nongialam Niam bad ter ter. Ka nongrim treikam ka VPP ruh kajuh hi, tang ka VPP kaba hok hynrei baroh kiba tuh suda..kam iahap re ha kane ka imlang sahlang jong ngi” ong u Bah Pala.
Haba pynpaw ba ki Balang/Iingmane ki dei kiba kongsan bha, u Bah Pala ula ong “Lada ki Balang ki tlot, ka imlang sahlang ruh ka tlot.Lada ki Balang ki khlian, ka imlang sahlang ruh ka khlain. Lada ki Nongialam ki Khlain, ka Balang ruh kan khlain, lada ki Nongtrei ki khlain, ka Imlang sahlang kan khlain”.
Ula ban jur da kaba ong “Ka long kaba kongsan ia ka VPP ban pynithuh uei uta u Tynmen Basan/Pastor, uba sam kyiad bad hangno bad mynno ba ula leh ia kane lem kumta ban shu kynnoh ia ka Balang baroh kawei, ban shu kynnoh ia ki Nongialam niam baroh kum ki nongsam kyiad, ka dei kaba bakla shibun”.
“Nga sngew shimet ba ka VPP ka dei ban pan map na ki Balang/Niam lem kumta ka jingkynnoh ia ki Balang/Niam kan ktah ia ka burom jong ki Balang/Niam ym tang ha Meghalaya hynrei ha ka Ri baroh kawei. Ka dei kaba bakla, nga sngew ba ka jingkren khlem pyrkhat ka dei ban sangeh noh namar ka ialam bakla ia u paidbah” ong une u MP.
Haba mynjur ia ki jingkynnoh ba ka VPP ka dei ka BJP Khristan, une u Nongialam ka Congress ula ong ba ka VPP bad ka BJP ki don ia kajuh ka nongrim treikam ban pyntroin ia ki Balang, ka imlang sahlang bad ki seng sain pyrthei.
Une u Nongialam ka Congress ula ong ba lada ka VPP ka shlur shisha kumba ki nongialam ki kam ialade, kadei ban kdew ban pynpaw paidbah “Mano kita ki Tymmen Basan kiba sam kyiad haka por ilekshon. Ka long kaba suk ban shu kynnoh ba ki Pastor, ki Father, ki Catechist ne ki Tymmen Basan ki donkti hynrei ka long ka jinglehrain iaka imlang sahlang ban shu kynnoh khlem da lah ban pynshisha”.
 bad MP ka Shillong Bah Vincent H Pala, ula ong ba ka nongrim treikam (ideology) jong ka Voice of the People Party (VPP) bad ka Bharatiya Janata Party (BJP) ki dei kiba long kumjuh.){kind=link}