Shillong, Nailur 16 : Uwei u briew ula iap bad 4 ngut kila mynsaw na ka jinghap kawei ka kali shapoh ka riat ha Sohwanthiang, West Khasi Hills District, hynne ka sngi Saitjain.
Kat kum ka khubor Pulit, kane ka jingjia kala jia hynne ka step phyrngap por 12:30 baje bad la pyntip ba kane ka kali (Maruti Car) ba don u nombor ML05-A-8768 ka dei kaba wan na Pamphyrngai bad thmu ban leit sha Tiehsaw Khyllem.
Ki Pulit ki iathuh baha kane ka jingjia, 5 ngut ki briew kila mynsaw bad kine ki dei ki Bah Referless Thongni na Mawkohiaw Nongkhlaw, Bah Oblanding Syiemlieh na Dihwah Shatmoit, u Rahul Sangma of Goalpara, Assam bad u Bah Donborlang Thongni na Tiehsawkhyllem .
Ia kine kiba mynsaw la pynkit mar mar sah Markasa PHC ban ioh jingsumar bad hadien la pynkynriah noh sha Shillong Civil Hospital ban ioh ia ka jingsumar ba kham paka.
Hynrei, la iathuh ba uwei na kine kiba mynsaw, u Rahul Sangma ula khlad noh ha Shillong Civil Hospital namar ka jingjur ka jingmynsaw.
Ki Pulit kila register case halor kane ka jingjia bad ka jingtohkit mynta kala iaid shakhmat.
 ba don u nombor ML05-A-8768 ka dei kaba wan na Pamphyrngai bad thmu ban leit sha Tiehsaw Khyllem.){kind=link}