Shillong, Nailar 21: Uwei u rangbah ula iap hashen bad arngut ki paralok jong u, kila mynsaw na ka jingpom pyrthat hynne ka janmiet sngi U Blei ha Golflink, ong ki Pulit.
Kine ki laingut shiparalok ki dang ialehkai phutbol ba Golflink ha kaba la wan lap u slap ba jur bha. Ban rieh slap, kine ki briew kila leit rieh ha uwei u diengkseh hynrei kynsan kynsan la pom u pyrkhat bad baroh laingut kila kyllon ha madan.
Ki Pulit ki iathuh ba ia kine ki laingut la rah noh mar mar sha Shillong Civil Hospital ha kaba ki Doktor kila pynbna ba uwei ula iap noh.
Ia une uba iap la tip kyrteng da u Bah Dinesh Nonglang ba 37 snem na Mawlai Umjaiur.
