Nongpoh, Nailar 10 : Uwei u samla ba 19 snem, ula iap ha ka jingshah rat ka scooty ba u shong, ha kawei ka trok ha ka janmiet sngi U Blei, kaba la ha ka shnong Iew Sohksang ba hap hapoh ka Byrnihat Police Station.
Une u samla u kyrteng u Giten Patho ba 19 snem, uba dei na ka shnong Barigaon, Assam.
Ki Pulit ki iathuh ba une u samla u dang niah ia ka scooty AS25-Z-9834 na Assam ban leit sha Shnong hynre haba poi ha iew Sohksang ha ka por 2 baje janmiet, ula shah rat ha ka trok AS25-FC-1660 bad iap hashen.
Kane ka trok kala phet krad na kane ka jaka hynrei hadien la ioh ban bat da ki Pulit ha Byrnihat Outpost.
