Shillong, Nailar 28 : Uwei u Khynnah san snem, ula iap jyllop hadien ka jingshah rong ha ka umsaw jong kawei ka wahduid ba marjan Iing ha ka step sngi Thohdieng ha Ri-Bhoi.
Kane ka jingjia kala jia ha ka shnong Nonkchigittim bad ia une u kynnah la tip kyrteng da u Mewanshwa Mawblei khun jong u Salim Khan.
Ki Pulit ki pyntip ba une u khynnah ula hap sha kane ka wahduid katba u dang ialehkai hajan iing. Ka jingkiew bad ka jingkhlain ka um, kala rong ia une u khynnah.
Ki Pulit ka Khanapara Police Station ha ryngkat ki trai shnong, kila leit wad ia une u khynnah bad kila lap noh ia ka met ha ka por 10.47 baje mynstep.
La pynkit mar mar ia ka met sha PA Sangma Medical College bad Hospital hynrei ki doktor kila pynbna ba ula khlad.
Ia ka met la aiti noh sha ki bahaiing ba kin pyndep ia ka lehniam lehrukom ba khatduh.
