Nongpoh, Risaw 12: Ki Pulit ka Ri-Bhoi District, ha ka sngi U Blei, kila ialam tohkit ia u nongleh beijot bad nongpyniap ia ka Khynnah 13 snem sha khlaw Khyndewsoo, ba un batai bniah ia kaei kaba jia ha kane ka khlaw.
Une u riewbymman u kyrteng u Tainehskhem Kharsati ba 22 snem, uba la shah kem haka 10 tarik Risaw halor ka jingdon kti ban leh beijot bad pyniap ia ka Khynnah 13 snem ha Khyndewsoo, ha ka 9 tarik Risaw.
Ia kane ka kynhun ki Pulit la ialam hi da u Superintendent of Police ka District V.S Rathore ha ka jingiadonlang ka kynhun Forensic Crime Scene Unit, ki Pulit ka Umiam Police Station bad kiwei kiwei.
Ki Pulit kila ialam ia u Tainehskhem sha ka jaka ba jia kane ka kam bymman ban tohkit bad phah batai ia kane ka kam bymman ba u leh.
Ka kynhun Forensic Crime Scene kila lum ia ki sakhi satar na kane ka jaka kum shibynta jong ka jingtohkit.
Ki Pulit ka Ri-Bhoi kila pynthikna ba kila shim khia bha ia kane ka kam bymman bad kin pynsted ia ka jingtohkit khnang ban pynioh kloi ia ka jingbishar kaba hok ia ine I lanot.
