Nongpoh, Jymmang 11 : Ki samla pule ka Collage Post Graduate Studies in Agriculture Science, ha ka sngi Nyngkong, kila pynlong ia ka jingiakhih hapoh ka Central Agricultural University (CAU), Umiam ban dawa weng kam mardor ia uwei u Professor ba kynnoh jrong kti bad leh kynshlein ia kawei ka samla pule ka skulbah.
Da ki spah ngut ki samla pule kila iamih ban rah placard bad shong kyllain mungor hakhmat ka Ophis ka CAU, ban pyni sha ki bor pyniaid ba kim lah pdiang ia ki kam khlemakor bala leh da ki nonghikai ia ki samla pule.
Kat kum ka jingong jong ki, ka jingiakhih ka long pyrshah ia u Professor Pranab Dutta, uba dei ruh u Chairman ka School of Crop Protection CPGSAS, ka CAU (Imphal), Umiam.
Kila kynnoh ba une u nonghikai ula donkti ban leh kynshlein man ka por ia kawei ka samla pule. Ki iathuh ba ki samla pule kila dep ban ujor bad dawa weng kam ia une u nonghikai na ki bor ba dei khmih ka University hynrei haduh mynta kam shym la don satia kano kano ka jingshimkhia.
Ki ong ba dei namar kane ba la pynbor ia ki samla pule ban iamih paidbah ban pynlong da ka jingiakhih.
Ki ong ba ka jingiakhih ka dei ruh ka daw ban dawa ia ki borkhmih ba ki dei ban wanrah ia ka jingsngew shngain ha ki jaka pule haba byrngem ba lada ki borkhmih kim leh eiei ia une u nonghikai, ki samla pule kim banse ban shim da ki lad kiba tyngeh kynthup ka jingleit ujor sah ki bor ba halor.
, Umiam ban dawa weng kam mardor ia uwei u Professor ba kynnoh jrong kti bad leh kynshlein ia kawei ka samla pule ka skulbah.){kind=link}