Shillong, Naitung 06: Ki riewngeit Muslim ha Shillong ryngkat bad ki riewngeit ha ka pyrthei ha kane ka Sngi U Blei kila rakhe ia ka Muharram, kum ka jingsdang jong u snem thymmai jong ka niam Islam bad ban kynmaw burom ia ka jingshah pyniap jong u Imam Hussain, u khun ksiew jong u Prophet Muhammad.
Ia katei ka sngi la rakhe da ka jingmane bad jingsngewsih kaba jylliew, khamtam da ki kynhun Shia Muslim, haba ki kynmaw ia ka jinglen lade jong u Imam Hussain ha ka thma Karbala—ka dak jong ka jingialeh pyrshah ia ka jingbymhok bad ka jingsynshar donbor.
Da kaba phong da ki jaiñ kiba iong, ki nongsngewsih ki la ïalum ha ki jaka bapher bapher jong ka nongbah, kynthup ïa ka Laban, Barapathar bad Mawprem, ha kaba la pynlong ïa ki jingïaid Tazia tynrai — ki jingpyni dur ïa ka jingtep jong u Imam Hussain.
Kila iaid proseshon ha ki surok ryngkat bad ki jingrwai “Ya Hussain,” ka jingtied tyngshop, bad ka jingpule ia ki Marsiya bad ki Noha (ki poitri elegiac).
Ia ki jingleit jingwan la pynlong da ka jingsuk bad da ka jingpyniaid beit hapoh ka jingpeit bniah kaba pyrkhing, ha kaba ki nongpyniaid ki la pynkynmaw biang ia ka khubor jong ka jingknia, ka jingiatylli bad ka jingiatylli ha ka imlang sahlang.
Bun ki nongshong shnong na kiwei pat ki jaitbynriew bad jait niam kila peit donburom ïa kane ka jingïaid proseshon,da kaba batskehm ia ka nam jong ka nongbah Shillong kaba burom ia baroh ki jait niam bad ka jingdon ia ka mynsiem kaba sngew kum shipara.
