Shillong, Nailur 17: Ka ïingbishar POCSO ka la rai pynshitom daka ba set phatok 25 snem ïa uwei u rangbah uba leh beijot ïa kawei ka khynnah kynthei ha East Jaiñtia Hills.
Ka Iingkashari Special Judge (POCSO) B Khriam kala pynrem ia u Coming Massar ha kaba iadei bad ka Khliehriat Women PS Case No. 31(09)2020 kaba la register hapoh ka kyndon 376(3)/506 IPC bad ka kyndon 5(l)(n)/6 jong ka ain POCSO.
Ia kane ka mukotduma la tohkit da WPI O Tyngkan bad la kem ia utei u nongshah kynnoh bad iaka charge-sheet la pyndep haka 18 tarik Kyllalyngkot 2021.
Haba pynrem ia u ba donkti, ka ïingbishar ha ka 31tarik Naitung ka la pynngat ïa u Coming Massar ha ka jingshah set phatok kaba 25 snem ha ryngkat bad ka kuna kaba T.25,000 katkum ka kyndon 376(3) IPC la pule ryngkat bad ka kyndon 5(l)/5(n)/6 POCSO Act, bad sa 5 snem ka jingshah set phatok haryngkat ka kuna kaba T.10,500 katkum ka kyndon Section 506 IPC.
