Shillong, Jymmang 01 : Ka Iingkashari Special Judge (POCSO) ka West Khasi Hills, kala hukum ban set phatok haduh 25 snem ia u runar uba donkti ban leh beijot ia iwei I Khynnah kynthei ha West Khasi Hills District.
Une u runar u kyrteng u Babul Basil Ali uba la shah kem ha ki Pulit ka Nongstoin Police Station halor ka ejahar bala mudui ia ka jingleh beijot ia iwei I Khynnah ha u bnai Naitung 2021, ha kawei ka shnong kaba hap hapoh ka jingkhmih jong kane ka thanad.
Ka Nongstoin Police Station kala pynngat ia une u runar ha ka kyndon 377 IPC pule lang bad ka kyndon 5 (m)(n) /6 jong ka POCSO Act.
Ka Iingkashari u Special Judge haba shong bishar ia kane ka kam ha ka 28 tarik Iaiong, kala hukum ban set along ia u haduh 25 snem lem bad ka kuna ba T. 50,000 hapoh ka kyndon 6 jong ka POCSO Act lem bad ka shong along sa 6 bnai lada ym lah siew ia ka kuna.
Ia kane la pyntip da u Superintendent of Police ka West Khasi Hills kat kum ka kyrwoh bala phah sha ki lad pathai khubor.
