Shillong, Lber 25 : Ka Iingkashari Special Judge (POCSO) ka East Khasi Hills kala pynmih ia ka hukum ha ka 11 tarik ban set along haduh 14 snem ia uwei u nongleh beijot khynnah.
Une u riew bymman u kyrteng u Kluston Ryntathiang bad la pynsajia ia u halor ki artylli ki kyndon ba kynthup ia ka kyndon 6 POCSO Act bad ka kyndon 506 IPC.
Ka Iingkashari kala hukum ban set along 14 snem ia une u breiw hapoh ka kyndon 6 jong ka POCSO Act bad ban siew ia ka kuna ba T.10,000 bad lada ym lah siew, un hap ban shong along sa 2 bnai.
Kumjuh ruh kala pynngat ia u hapoh ka kyndon 506 IPC da kaba hukum ban shong along 3 snem bad ban siew ia ka kuna ba T. 5000 lem kumta un hap shong along sa shibnai.
Ia kane la pyntip da u Superintendent of Police ka East Khasi ills Bah Vivek Syiem ha ka sngi Ba-ar haba iathuh ba ia kane ka jingjia la tohkit da ka Inspector Phrianglin Syiem bad kaba trei mynta kum ka Reserve Inspector ha Police Reserve, Shillong.
 ka East Khasi Hills kala pynmih ia ka hukum ha ka 11 tarik ban set along haduh 14 snem ia uwei u nongleh beijot khynnah.){kind=link}