spot_img

Hiar ki kali Bullet Proof ki SOT bad Crime Scene Unit sha Ichamati ba shah pyniap ki bar Jylla

Date:

Share post:

Shillong, Lber 27 : Ka Tnad Meghalaya Police, kala phah ia ki kali Bullet Proof jong ki Special Operation Team (SOT) lem bad ka kynhun Crime Scene Unit sha Ichamati, Shella, ban iarap ia ki Pulit na Shella Police Station ha kaban tehlakam ia ka jinglong jingman hapoh ka thain.

Ka jinglong jingman ha Ichamati kala shongsyier bha bad ka jingiaumsnam ka lah ban khie ha kane ka thain hadien ka jingshah bom iap ki arngut ki bar jylla hynne ka janmiet.

Kat kum ka jingpyntip u Superintendent of Police ka East Khasi Hills, kine ki arngut ki bar Jylla ki dei kiba kyrteng u Esan Singh bad u Sujit Dutta. La ong ba ia ka metiap kine ki arngut la lap na Ichamati bad na Dalda.

Kane ka jingjia (shah bomiap) kala jia hadien ba wai ka rally pyrshah Citizenship (Amendment) Act 2019, bala pynlong da ka seng Khasi Students Union (KSU).

Ka jingbthah kala mih na ka Tnad Meghalaya Police sha u Superintendent of Police ka East Khasi Hills, ba un hukum ia baroh ki field unit ba kin pynkhlain ia ka jingiaid pahara da ka kjat bad kali ruh khamtam mynta ka miet kumjuh ban pyni ia ka jingdon ki Pulit ha katei ka thain.

La bthah ruh ba ki Pulit ki dei ban rah lang ia ki riot gear, tyndong lyer pynsat khmat, ki lathi, ki shield bad kiwei kiwei bad ban leh tyngeh ia ki nongpynkular shnong namar kane ka jingjia, ka lah ban lam sha ka jingiaumsnam pher Jaidbynriew.

Nalor kane, la bthah ruh ba kin kren ia ka Deputy Commissioner ba kan pynjari ia ka kyndon 144 CrPC bad ban pyrrkhing ia ka jingiaid briew ba 5 ngut ne palat nalor ka jingrah ia ki dieng, ki tari, thied petrol ha ki bilor, umphniang sharak bad kiwei kiwei.

Kane ka jingbthah n ka Tnad kala kren ruh ia ka jingdonkam ban pynlong ia ka jingialang wanrah jingsuk lashai ka sngi.

Share post:

spot_img
spot_img

Popular

More like this
Related

Pynkup burom ka Nongstoin College ia 293 ngut ki samla pule

Shillong Nailur 05: Ka Nongstoiñ College ha ka sngi...

Iasoi MoU ka sorkar Meghalaya bad ka Asean One Japan ban plie lad ka ioh kam ia ki khun samla ka jylla

Shillong, Nailur 05: Ka sorkar Meghalaya, lyngba ka Meghalaya...

Shah pynkup burom ki nonghikai ha ka jingrakhe ka jylla ia ka Teachers Day

Shillong Nailur 05: Ka Sorkar Jylla hynne ka sngi...