spot_img

Hiar jurip ka KHADC ia u pud ka Council ha WKH ba shah pynpra u mawpud ha Mawkuru

Date:

Share post:

Nongstoin, Iaiong 12 : Ka Khasi Hills Autonomous District Council (KHADC) ha ka sngi Saitjain, kala hiar jurip ia u pud u sam jong ka Council ha ka shnong Mawpuru kaba don ha khappud bad ka East Garo Hills namar ka jingkynnoh wan pynpra jubor ki paid Garo ia u mawpud ha kane ka shnong.

Ia kane ka jingjurip la lamkhmat da u Executive Member ka Tnad Land Bah Powell Sohkhlet ryngkat u MDC ka Rambrai-Jyrngam Bah Lurshai Kharbani, u MDC ka Nongstoin Dr Juristman Iawphniaw ryngkat u Sirdar ka Hima Nonglang bad kiwei kiwei.

Kane ka jingjurip ka dei kaba la pynlong hadien ka jingkynnoh ba wan pynpra mawpud ki Garo kiba kam ialade ba ki dei ki dkhot ka Garo Students’ Union (GSU) bad ki briew kiba kam ba ki dei na ka Garo Hills Autonomous District Council (GHADC).

La kam ba une u mawpud u dei jong ka kur Nianglang ha ka shnong Mawkuru, kaba hap hapoh u pud u sam ka Hima Nonglang.

Kane ka kynhun ki MDC ha ryngkat u EAC ka Mawshynrut Civil Sub Division bad u SDPO ka Mawshynrut, kila leit ban jurip ia u pud haduh ka jaka ba iaid ka Wah Umpait hajan ka Wah Ildek, kaba don ia ka jingkieng ba pyniakhlad ia ka East Garo Hills bad ka West Khasi Hills.
Haba iakren bad ki nongthoh khubor, u Bah Powell Sohkhlet u iathuh ba kane ka jingwan jurip ka dei kaba la bthah da u Chief Executive Member (CEM) Bah Shembor Rynjah na ka jingpyntip u MDC ka Rambrai-Jyrngam.

U Bah Powell ula pynrem jur ia kane ka jingleh ki briew na Ri-lum Garo da kaba ong ba une u mawpud ba pynpra um dei satia u mawpud ka KHADC hynrei u dei jong ka kur Nianglang bala thung ban iasam ia ka jaka ne khyndew jong ka Kur.

U la ong ruh ba kane ka jaka ba pynpait mawpud ka dang jngai na u pud jong ka West Khasi bad East Garo Hills. U iathuh ba na ki kot ki sla la pynshisha shai kdar ba kane ka jaka ka dang dei jong ka Hima Nonglang.

Share post:

spot_img
spot_img

Popular

More like this
Related

Kem ki Pulit ka EJH ia 2 ngut ki nongkhaii droks kynthup ka Longkmie

Shillong, Jymmang 05 : Ki Pulit ka East Jaintia...

Rah ka Mawlarshong FC ïa ka nam lahduh ha ka NDSA Football ha Nongstoiñ

Nongstoiñ, Jymmang 05: Ka kynhun ïalehkai Football jong ka...

Dawa ka HYC ban pyniadon bynta lang ha ki jingiakren halor ki kam thungkam ka NEIGRIHMS

Shillong, Jymmang 05: Ka Hynniewtrep Youth Council (HYC) hynne...