spot_img

Hato phi tip ba u nong pynwandur ia ka lama India u iap ha ka jingduk?

Date:

Share post:

Guwahati, Nailar 08: Ka jingialap halor ka ‘Har Ghar Tiranga’ ka la saphriang sted ha India hadien ba ka sorkar u Narendra Modi ka la shim ia ka sienjam ban rakhe ia ka ‘Azadi Ka Amrit Mahotsav’, kata ia ka lyngkhuh snem ka jinglaitluid ka ba 75 jong ka Ri India.

Hapoh ki sienjam jong ka ‘Har Ghar Tiranga’ u Myntri Rangbahduh (PM) Narendra Modi u la kyntu ia uwei pa kawei ki longiing ha India ba kin kaweh ia ka lama lai rong shibynta ban rakhe ia kane ka lyngkhuh snem ba 75 ka jingioh laitluid jong ka ri India.

U PM Modi u la kyntu ruh ia baroh ki nong India ba kin pynkylla ia ki profile jong ki dur ha ki rynsan social media da ka lama lairong ban rakhe ia ka ‘Azadi Ka Amrit Mahotsav’.

Hapdeng ka ba kum kane ka jingialap, ka long ka ba sngew bynniaw ba haduh 99 percent na ki nong India kim tip mano ba la pynwandur ne design ia ka lama lai rong jong ka ri India.

U Pingali Venkayya u nongialeh laitluid na Andhra Pradesh u dei u ba la shna pynwandur ia ka lama lai rong jong ka ri.U la khlad noh hapdeng ka jingduk ha ka snem 1963 ha ka ba la klet noh ia u da ki ba bun ki nong India.

Ia u Pingali Venkayya la kha ha ka 2 tarik u Nailar 1876, ha ka longiing Telugu brahmin ha Bhatlapenumarru, hajan Machilipatnam ha Andhra Pradesh. U dei u riewialeh laitluid bad u nongbud ba shitrhem jong u Mahatma Gandhi.

Ha ka rta 19 snem, u la pyniasoh bad ka tnat shipai India Army jong ki British bad iakhun ruh ia ka thma Anglo-Boer ha Africa, ha ka ba u la iakynduh ia u Mahatma Gandhi ha ka sien ka ba nyngkong.

U Pingali Venkayya u la pynwandur ia kane ka lama bad ai sngewbha sha u Mahatma Gandhi ha ka por ba u la leit jngoh sha Vijayawada ha ka 1 tarik Iaiong 1921.

Ha ka jingshisha u Venkayya u la ai sngewbha ia kane lama rong soh jyrngam sha u Mahatma Gandhi. Hynrei, na ka liang u Lala Hansraj na Jalandhar u la aijingmut ban bynrap ia ka Chakra, bad u Gandhi u la kyrpad ban don ia ka rong lieh.

Hadien la pdiang ia kane ka lama kum ka lama jong ka ri India.U Venkayya u dei u ba lah ban kren ia kiwei pat ki jait ktien, kata wat ia ka ktien Japanese.

U dei u ba la pyndep ia ka doctorate degree ha ka Geology, bad u dei u riew shemphang ha ka ba iadei bad ki kam tih hapoh ki par mawkordor, ia u ba la ju khot sin ruh da u ‘Diamond Venkayya.’

Ia ka postage stamp la pynmih ha ka snem 2009 ban kynmaw burom ia u Pingali Venkayya. Bad ha ka snem 2011, u Pingali Venkayya u la shah pynkup da ka khusnam Bharat Ratna.

Watla katta ka long ka ba sniewbok, ba ym shym la don kino kino ki jingthoh ki ba iadei bad u Pingali Venkayya hapoh ki kot skul, bad ki riew sain hima ba shemphang ruh ki la shim por shibun ban pynkup ia katei ka khusnam Bharat Ratna.

Share post:

spot_img
spot_img

Popular

More like this
Related

Plie ka MIDC ia ka Business Facilitation Centre ban pynsuk ia ka jingsengjam ha Jylla

Shillong Jylliew 19: Ka Meghalaya Industrial Development Corporation Ltd....

Pyniaid ki Crorepati ia ka Sorkar Arunachal Pradesh bad Sikkim

Guwahati, Jylliew 19: Kaei kaba ka Jylla Arunachal Pradesh...

Pynkup burom ka MEPA ia 2 ngut ki Journalist ba ioh khusnam na Meghalaya

SHILLONG, JUNE 19: Ka Meghalaya Editors’ and Publishers’ Association...

Aibor ka Sorkar ha ki DC ban rai ia ka Roster System ha ki District

Shillong, Jylliew 19 : Ka Kynhun Myntri ka Sorkar...
spot_img