Shillong, Lber 31: Ka Iingkashari Meghalaya High Court kala bthah ia u District Judge Ri-Bhoi district ban pynlong biang ia ka jingtohkit halor ka jingkynnoh ba kala don ka jingsiew tam ia ka bailutksan sha kito ki trai kiba duh noh iaki jaka naka bynta ban pynheh iaka Kad Liengsuin Umroi.
Ia kane ka jingtohkit biang la leh hadien ba ka ïing kashari ka Meghalaya High Court kala pynmih iaka hukum haka 21 tarik Rymphang 2023.
Ka thong jong kane ka jingtohkit da u District Judge Ri-Bhoi district kadei hi ban wad bniah, hato kala don ne em ka jingsiew tam sha ki trai jaka kiba duh noh iala ki jaka naka bynta ban pynheh iaka Kad Lengsuin Umroi.
Ka kaiphod jong District Judge kala shem ba kam don ka jingsiew tam sha ki trai jaka bad kam don ruh kano kano ka jingpyrshang ban siew tam.
Halor kane kala don ka jingujor daka PIL da u Steid Dkhar naka bynta ban bishar biang iaki kot ki sla (Original Documents) haba iadei bad ka jingdonkam ban ioh jaka biang naka bynta ban pynheh iaka Kad Lengsuin Umroi.
