Shillong, Naitung 12 : Ka kynhun ialehkai jong ka Rangdajied United FC ka la pynliem haduh 3-1 kol ia ka Nangkiew Irat ha ka jingiakhun jong ka Shillong Premier League kaba long ha kane ka sngi Baar ha madan Third Ground Polo.
Ia ki kol jong ka Rangdajied United ha kane ka janmiet la ioh ban thep da u Donboklang Lyngdoh ha ka minit kaba 52 bad 78 katba ia ka kol kaba lai pat la ioh ban thep da u Wanlamsuk Nongkhlaw ha ka minit kaba 90+1 jong ka kylla miet.
Na bynta ka Nangkiew Irat pat ia ka shi kol la ioh ban thep da u Overkindness L Mawnai ha ka minit kaba 74.
Haba phai sha ka jingiakhun, ka jingialehkai ha ka kylla step ka la long kaba mar ia biang bor bha namar ym shym la don satia mano mano ruh ba ioh ban thep kol. Hynrei dei ynda la poi ka kylal miet ba ka Rangdajied ka la ioh ban pynliem syndon haduh 3-1 kol ia ka Nangkiew Irat.
Ka jingiakhun ha ka 14 tarik mynta u bnai pat kan long hapdeng ka Ryntih FC pyrshah ia ka Mawlai SC.
