Shillong, Nailar 31: Ka kynhun seng sain pyrthei ka Jylla ba la ai kyrteng ka KAM, Meghalaya, kala pynbna ia i Kong Wanpynhun Kharsyntiew kum u kyrtong ban mih aireng na 16-East Shillong Constituency ha ka elekshon MLA ban long ha u snem 2023.
I Kong Kharsyntiew i dei i nongshongshnong ka Malki bad i dei iba ju mih bha shakhmat ban iakhun ia ka hok jong ki Nongbylla iingbriew.
Haba pynbna ia kane, Ka Nongialam ka KAM Meghalaya Kong Angela Rangad ka ban iakhun ruh ialade ha kane ka elekshon ban wan, kala ong ba Kynhun kan iakhun pyrshah ia ka bor jong ka pisa da ki buit ha kane ka elekshon.
Kala ong ba ka Jylla kala kynjoh 50 snem ba ioh iala ka jong ka Jylla hynrei ka Sorkar Jylla haduh mynta kam pat lah sati ban wanrah ia ka Ain ka ban pynmyntoi ia ki Nongbylla sngi ba bylla katba ioh ka kam bad ia ki Nongbylla baroh.
Kala bynrap ba ka KAM kan nym thied satia ia ki vote namar ka vote jong ki briew kam dei satia kaba lah ban pynshongdor.
