Aizawl, Risaw 18: Ka Central Election Committee jong ka Bhartiya Janata Party (BJP) kala mynjur bad pyllait ia ka thup ba nyngkong bad ba-ar jong ka kyrteng ki 21 ngut ki kyrtong ki ban aireng ha ka elekshon Legislative Assembly ka Mizoram.
Kat kum kane ka thup kyrteng, ka BJP kala pynieng ia u Malsawmtluanga na Hachhek constituency, Vanlalhmuaka na Dampa constituency, bad Lalrinliana Sailo na Mamit constituency.
Ka Mizoram kaba don 40 constituency, kan thep vote ha ka 7 tarik Naiwieng. Ka Election Commission of India (ECI) kala pynbna ia ka 3 tarik Nohprah kum ka sngi niew vote.
Ka Mizoram mynta ka dei kaba synshar da ka Mizo National Front (MNF) bad ka samoi jong ka Iingdorbar kan kut noh ha ka 17 tarik Nohprah, 2023.
Ha ka elekshon 2018, na kine ki 40 constituency, ka Mizo National Front kala jop 26 seat da ka jingioh vote ba 37.8%. Ka Congress kala jop 5 seat bad ka BJP kala jop shi seat.
U Zoramthanga u dei u Myntri Rangbah jong kane ka Jylla. Nalor kane, ka MNF ka dei ruh ka dei kaba iatreilang bad ka BJP ha ka Sorkar National Democratic Alliance (NDA).
Pule lang ia kane: Syed Mushtaq Ali Trophy T20 : Pynliem ka Mumbai da 9 wicket ia ka Meghalaya
Peit lang ia kane
