Shillong, Rymphang 21 : Ka jingthep vote ha ka elekshon MDC ha Ri-lum Khasi bad Jaintia ka dang iaid shaid shaid mynta bad kat haduh ka por 1 baje janmiet, ka jingthep vote kala kot 50.21% ha baroh artylli ki Autonomous District Council.
Kat kum ka jingkhein ba ioh na ka tnad District Council Affairs (DCA), ka jingiathep vote kala kot 45.18 % ha KHADC katba ha JHADC kala kot 55.24 %.
Na ki khubor ba ioh lum la iathuh ba ka jingkulmar kala mih ha ki artylli ki Polling Station ka East Jaintia Hills bad ki riew runar ki bym lah ban ithuh, kila pynjulor ia ki Electronic Voting Machine (EVM) ha kine ki Polling Station.
Kine ki Polling Station ki dei ka Wapungskur-A bad Wapungskur-B kaba hap hapoh ka Musniang-Rangad Constituency .
Lah iathuh ruh ba kala don ka huri hura kaba jia hapoh ka thain Wahiajer hynrei kat haduh ba thoh ia ka khubor, ym pat shym la ioh satia ia ka jingtip kaba thikna.
Ka jingiathep vote kan kut ha ka por 4 baje janmiet.
