Shillong, Rymphang 21: U Commissioner & Secretary ka tnat DCA Bah Cyril V Diengdoh u la pyntip ba ka tnat kala pynbeit bniah bha iaki jingdonkam baroh na ka bynta ban niew ia ki vote jong ka elekshon ki Autonomous District Council (ADC) ka Ri-lum Khasi bad Jaintia, ban long ha ka 24 tarik Rymphang.
Ka jingthep Vote sha ka KHADC bad JHADC kala kut mynta ka sngi.
“Ngi la dep pynkhreh ia ki jingdonkam barim na ka bynta ka jingniew ia ki vote” la ong u u Bah CV Diengdoh.
U Bah Cyril u la pyntip ruh ba lki Deputy Commissioner (DC) bad Returning Officer kila dep ban ai jinghikai ïa ki nongniew vote na ka bynta kane ka elekshon.
U bah Cyril u la ong ba na ka bynta ka KHADC, kin don 3 tylli ki jaka niew Votes ha East Khasi Hills District kiba kynthup ïa ka ophis u SDO Civil Sohra, Pynursla Civil Sub-division bad ka Inter-State Bus Terminus (ISBT), Mawlai.
“Kiwei pat ki jaka niew Votes ki dei ki jaka kiba la don lypa kiba dei hi ha ki ophis DC ha kiwei pat ki jaka” u la bynrap.
