Shillong, Rymphang 21 : Ka jingpoi thep vote jong ki nongthep vote ki artylli ki Autonomous District Counci (ADC) ka Ri-lum Khasi bad Jaintia kala kot ia ka 66.32 % baroh lang.
Ka Jaintia Hills Autonomous District Council (JHADC) kala kot haduh 70.99 % katba ka Khasi Hills Autonomous District Council (KHADC) ka kot 72.45 % kat haduh bap or 4 baje ba kut ka jingiathep vote.
Ka jingiather vote kala sdang naduh ka por 7 baje mynstep haduh 4 baje janmiet ha baroh 58 tylli ki constituency-29 tylli jong ka KHADC bad 29 tylli jong ka JHADC.
Ka KHADC, ka Nongspung-Sohiong constituency ha East Khasi Hills ka dei kaba poi bun eh ki nongthep vote kaba kot ia ka 86.06% katba ka Jirang constituency ha Ri-Bhoi District ka dei kaba duna eh, kaba kot 51.46%.
Hapoh JHADC, ka Moodymmai-Nongkroh constituency ha West Jaintia Hills ka dei kaba poi bun eh ki nongthep vote kaba kot ia ka 90.8% bad kaba rit eh ka dei ka Jowai-North constituency ha West Jaintia Hills kaba kot 75.21%.
Na ki 272 ngut ki kyrtong, haduh 158 ngut kynthup 12 ngut ki kynthei kiba iakhun na ki 29 tylli ki constituency ka KHADC bad 114 ngut ki kyrtong kynthup ia 7 ngut ki kynthei kila iakhun na ki 29 constituency ka JHADC.
Ka jingniew ia ki vote kan long ha ka 24 tarik Rymphang.
