Shillong, Iaiong 19 : Ka elekshon Lok Sabha ha Jylla Meghalaya kala sakhi ia ka jingiamih ryntih jong ki paidbah ban iathep vote bad ka jingiapoi thep vote ki briew ha Shillong kala jan kot 72% bad ha Tura kala jan kot 78 %.
Kat kum ka jingai jingkhein ka Tnad Election ka Jylla, ka jingpoi thep vote ha baroh 60 tylli ki Assembly constituency ka Jylla ka kot ia ka 74.07 %.
Ha Shillong, kiba la poi ban pyndep ia ka jingthep vote kala kot 71.88 percent katba ha Tura kala kot ia ka 77.80 %.
Ka jylla kala sakhi ruh ia ka jingiashimbynta shitrhem jong ki nongshongshnong kiba la palat 85 snem ha ka jingiathep vote bad palat 10,180 ngut kila leit ban pyndep ia ka jingthep vote ha ki Polling Station bapher bapher ha Jylla.
Ia kine ki Nongthep vote bala noh ka rta, la pynbiang da ki wheelchair ha ki polling booth, ki nongpyniaid elekshon lem bad ki nongtrei Anganwadi kila iarap ia kine ki nongthep vote ba kin pyndep iala ka hok.
