Shillong, Iaiong 14 : Ka Khasi Students’ Union (KSU), Laban Circle ha ka sngi Ba-ar, kala khang khyrdep ia ka jaka leh niam (mosque) jong ki riewngeit muslim ha Lower Lumparing haba kynnoh ba kane ka mosque ka dei kaba shna beain khlem ka jingioh jingbit bad khlem ka hok longtrai ia ka jaka.
Hadien ba pynlong ia ka jingtohkit, ka KSU kala ong ba kala shem ba ki paid muslim kila pynkylla ia kane ka jaka kum ka masjid beain bad la ai kyrteng ia ka kum ka Lumparing masjid. La kynnoh bala shna ia ka khlem ka jingbit na ka Dorbar Shnong ne na ki bor ba dei khmih.
“Ki muslim kila shna beain ia kane ka masjid ha kane ka jaka khlem da shim ia ki jingbit na ka dorbar shnong lane na ki bor ba dei khmih” ong u nongialam ka KSU Laban Circle Shiningstar Chyne ha ka kyrwoh.
Ka KSU ka ong ba ia kane ka jaka la ai nyngkong na ka bynta ban shna ia ka iingsah u chowkidar ba un khmih ia ka lum jingtep ki muslim hynrei la pynkylla pynban ia ka sha ka mosque.
Ha kane ka jingleit khang khyrdep, ka KSU kala bthah ruh ia u Imam ba sah ha kane ka jaka ba un mih noh, haba kynnoh ba ula shu sah beain bad ialap ia ka niam Islam ha kane ka jaka.
Kat kum ka jingong ka KSU, ka Dorbar Shnong Lower Lumparing kala leit jurip dang shen ia kane ka jaka hadien ba ioh pdiang ia ki jingujor bad kala shim rai ban phah pynpra ia kane ka jingtei, hynrei ki bor khmih jong kane ka mosque kim shym la leh eiei.
“Ka KSU kan sa leit ban ujor sha ki bor khmih ban pyndep ia ka jingweng syndon ia kane ka jingtei” bynrap une u nongialam ka KSU.
, Laban Circle ha ka sngi Ba-ar, kala khang khyrdep ia ka jaka leh niam (mosque) jong ki riewngeit muslim ha Lower Lumparing haba kynnoh ba kane ka mosque ka dei kaba shna beain khlem ka jingioh jingbit bad khlem ka hok longtrai ia ka jaka.){kind=link}