Shillong Iaiong 19: U Returning Officer jongka Shillong Parliamentary Constituency, SC Sadhu un sa ujor da ka ejahar pyrshah ia u President ka seng Hynniewtrep Achik National Movement (HANM) Bah Lamphrang Kharbani halor ka jing pynsaphriang ia ka dur kaba ula shon ha ka jaka thep vote hynne ka sngi Thohdieng.
Ia katei la iathuh da u Chief Electoral Officer ka jylla Meghalaya Dr BDR Tiwari haba iakren bad ki nongthoh khubor.
U Tiwari ula ong, ba ka Tnad Election kala ioh jingtip halor katei ka jingjia bad kala shimkhia ha kaba, na ka liang jong u Returning Officer ka Shillong Parliamentary Constituency un sa ujor ia ka ejahar.
Haba kylli la yn kheiñ yn ym kheiñ shuh ia ka vote kaba ula thep, u CEO ula ong ba ia mynta hi yn dang khmih bniah shwa ia kiei kiei baroh bad yn sa leh ia kaba donkam.
Na ki dur bala saphriang ha ki rynsan social media, ia kiba la kynnoh ba dei jong u Bah Lamphrang Kharbani, la pyni ba hadien ba ula dep khnoin ia u budam jong ka EVM, ula shondur ia ka EVM kaba pynpaw dak saw ha ka kyrtong ka NPP Dr Ampareen Lyngdoh.
 Bah Lamphrang Kharbani halor ka jing pynsaphriang ia ka dur kaba ula shon ha ka jaka thep vote hynne ka sngi Thohdieng.){kind=link}