Shillong, Lber 17 : Ka Bharatiya Janata Party (BJP) Meghalaya, kala nang lynga pisa namar ka jingslem jong ka High Command na Delhi ban pynbna ia ki kyrtong ki ban iakhun ia ka elekshon Lok Sabha na Shillong bad Tura Parliamentary seat.
Ka Election Commission of India (ECI) hynnin ka sngi Saitjain, kala pynbna ba ka jingiathep vote ha kine ki artylli ki constituency ka Jylla Meghalaya bad kiwei ki Jylla ka thain Shatei Lam Mihngi, kan long ha ka 19 tarik Iaiong.
Ka BJP na Delhi, kala dep ban pynbna ia 267 ngut ki kyrtong ban iakhun ia ka elekshon hynrei kala buhteng ban pynbna ia ki kyrtong ban iakhun na Meghalaya.
Kat kum ka jingiathuh u President ka BJP Meghalaya Rikman G Momin, ka Party kala haduh san tylli ki kyrteng jong ki kyrtong kiba kwah ban iakhun na Shillong bad hynriew tylli na Tura constituency.
Kine ki san ngut ki dei u Myntri Sorkar Bah AL Hek, u President barim ka party Bah Ernest Mawrie, ka kong Fenela L Lyngdoh, Mewaker Lyngdoh Pakma bad Sumita Laloo.
Na Tura pat ki dei u MDC ba mynta ka Tura Bernard N Marak , Boston Marak , Riya Sangma, KC Boro, Winnerson D Sangma bad Thomas Sangma.
Ka BJP Meghalaya ka kyrmen skhem ba ka High Command kan pynbna noh kham kloi ia ki kyrteng jong ki kyrtong.
Kumba long mynta, ki kyrtong kiba la pynbna ban iakhun na Shillong seat ki dei u MP ba mynta ka Congress Bah Vincent H Pala, ka Myntri Sorkar Kong Ampareen Lyngdoh na ka NPP, u Robertjune Kharjahrin na ka UDP, u Dr Ricky AJ Syngkon na ka VPP bad ki kyrtong shimet.
Na Tura, ka MP ba mynta Agatha K Sanga kan iakhun na ka NPP, u MLA ka Congress Saleng A Sangma bad u Nongialam ka TMC Zenith Sangma.
 hynnin ka sngi Saitjain, kala pynbna ba ka jingiathep vote ha kine ki artylli ki constituency ka Jylla Meghalaya bad kiwei ki Jylla ka thain Shatei Lam Mihngi, kan long ha ka 19 tarik Iaiong.){kind=link}