spot_img

Donkti 6 ngut ki runar ba pynbthei ka jaka den um ka ba pynshlei um ha Silchar :Assam CM

Date:

Share post:

Guwahati, Naitung 02: Ka sorkar Assam ka la ithuh ia ki hynriew ngut ki runar ki ba donkti halor ka jingbthei ka jaka den um ka ba lam sha ka jingshlei um ba shyrkhei hapoh Silchar, ong u Myntri Rangbah (CM) ka Assam u Himanta Biswa Sarma.

Ha ka 24 tarik u Jymmang ba la dep, ka tnat Water Resources Department ka Assam ka la ujor sha ki bor pulit pyrshah ia ki riew runar bym lah ban ithuh namar ka jingpynpra ia ka jaka den um ha Bethukandi, kumba 3 km na ki bynta ka sor rit Silchar ia ka ba ju pyntuid lyngba ka nala shapoh ka wah Barak.

“Mynta na ka liang ka tnat CID ka la ujor da ka mutkotduma halor kane ka phang. Na ka liang u Additional Director-General of Police ka CID un khlieh ia ka jingtohkit halor kane ka jingjia bad na ka liang ka kynhun special task force kan bishar bniah halor kane ka jingtohkit,” ong u CM ka Assam lyngba ki lad pathai khubor ha Silchar ha ka sngi Thohdieng ba la lah.

U la ong ruh ba ki briew ki ba donkti ha katei ka kam pynjulor ia ka jaka den um kin ngat ha ka jingshah pynshitom. Na ka liang u Sarma u la pynlong ruh ka jingleit jurip ha ka ba iadei bad ka jingpynbha pat ia katei ka jaka den um ha Bethukandi, kata ha ka jingleit jurip ha ka sien ka ba lai shapoh Silchar.

Ha ka juh ka por u CM Sarma u la kyntu ruh ia ki bor district ka Cachar ba kin phah sha ka sorkar ia ka kaiphot ka ba iadei bad ka jingjulor hapoh ka 15 tarik mynta u bnai khnang ban pynthikna halor ka jingpynkloi ia ki lad jingiarap.

Ki ba bun na ki jaka hapoh ka sor rit Silchar ki la shong halor ka um haduh palat shitaiew kynthih. Kumba ka long mynta haduh kumba 24.92 lak ngut ki briew ki la shah ktah ha ka jingshlei um ha ki 28 tylli ki district jong ka Assam bad haduh139 ngut ki briew ki la duh noh ia la ka jingim.

Kane ka jingshlei um ka la pynjulor ia kumba 155 tylli ki surok, santylli ki jingkieng katba haduh hynniew tylli ki jaka pynlang um ki la shah pynjulor.

Share post:

spot_img
spot_img

Popular

More like this
Related

Dawa tohkit ka HYC ba thied ban supply ia ki tin sop iing ba tad dor

Shillong, Jylliew 21: Ka Hynniewtrep Youth Council (HYC) ha...

Gherao ki BSF ia ka Umkiang Police Patrolling Post ba shah kem ki shipai jrong kti ia ka Khynnah

Shillong, Jylliew 21 : Ka kynhun ki shipai Border...

Meghalaya Secures 300 Acres for Umiam Tourist Hub, Plans Helicopter Services

Shillong, June 20: Chief Minister Conrad Sangma chaired a...

Liem ka Champion haka Christian HSS | Ïoh ka Ri-bhoi ïaki Skul ban mihkhmat sha State Level

Nongpoh, Jylliew 19: Ka lympung ïalehkai ball jong ka...
spot_img