Shillong, Rymphang 20: U Symbud Myntri Rangbah ka Jylla ba khmih ia ka Tnad Transport Bah Sniawbhalang Dhar ha ka sngi Ba-ar, ula iathuh ba dang donkam sa 68 acre ka jaka ban pynlong ia ka Baljek Airport kaba treikam.
Haba jubab hapoh Iingdorbar, u Bah Sniawbha ula ong “Ngi dang pynkhreh mynta ia ki jingdonkam ban thied sa 68 acre ka jaka”.
U iathuh ba kane ka long hadien ba ka Airport Authority of India (AAI) kala pan shuh shuh ia ka jaka ban pynlong ia kane ka kad liengsuin ne airport kaba treikam.
Ia mynta, ka Baljek Airport ka don ha ka jaka ba 120 acre.
U Bah Sniawbha u pyntip ba ka pisa ba T. 3 klur la dep ban mang ha ka kylla kaba ar ban thied ia ka jaka.
Kat kum ka jingong jong u, ka runway jong kane ka kad ka donkam ban hap pynheh n aka 110 meter sha ka 1750 meter ban lah hiar ki liengsuin ART.
U pyntip ruh ba u Myntri Rangbah ka Jylla ula dep thoh shithi sha ka AAI hynrei sngewsih ba ka jubab ba ioh ka long ba ym don satia ki kompani kiba kwah ban pyniaid ia ki liengsuin kiba rit na kane ka kad.
